મોરબી જિલ્લામાં શ્રાવણ માસ આવી રહ્યો હોવાથી બુટલેગરો ફરી એક્ટિવ થયા હોય તેવું લાગી રહ્યું છે. ત્યારે મોરબી જિલ્લા પોલીસ દ્વારા પણ આવા દારૂના વિક્રેતાઓ વિરુદ્ધ કાર્યવાહી આરંભવા આવી છે. ત્યારે ગઈકાલે હળવદ પોલીસે ગોકુલ હોટલ ખાતે રેઈડ કરી હોટલ પાછળ જમીનમાં દાટેલ વિદેશી દારૂનો જથ્થો કબ્જે કરી કાયદેસરની કાર્યવાહી હાથ ધરી છે.
મળતી માહિતી અનુસાર, હળવદ પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, હળવદ માળીયા હાઇવે રોડ કેદારીયા ગામ પાસે આવેલ પુલથી આગળ ડાબી સાઈડ ગોકુલ હોટલ પાસે વિદેશી દારૂનું વેચાણ કરવામાં આવે છે. જે હકીકતના આધારે પોલીસે સ્થળ પર રેઈડ કરી હોટલ પાછળ જમીનમાં દાટેલ ભારતીય બનાવટની ઈંગ્લીશદારૂની OFFICER’S CHOICE BLUE WHISKYની ૦૭ બોટલનો રૂ.૨૧૦૦/- નો મુદ્દામાલ કબ્જે કરવામાં આવ્યો છે. જયારે આરોપી વિષ્ણુભાઇ સુંદરજીભાઈ શિહોરા (રહે. કેદારીયા તા.હળવદ જી.મોરબી) રેઈડ દરમ્યાન હાજર નહી મળી આવતા તેને પકડવા ચક્રો ગતિમાન કરવામાં આવ્યા છે.
