મોરબીમાં દ્વિચક્રી વાહનો ચોરી થવાના બનાવો વધી રહ્યા છે. ત્યારે મોરબીનાં નવા બસસ્ટેન્ડ અંદર આવેલ પ્લેટફોર્મ નં.૩ તથા ૪ ના વચ્ચે પાર્કીંગમાથી મોટરસાઇકલ ચોરાયું હોવાની ઘટના સામે આવી છે. જે સમગ્ર મામલે મોરબી સીટી એ ડિવીઝન પોલીસની ટીમે ફરિયાદ દાખલ કરી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબીનાં કન્યા છાત્રાલય રોડ કુબેર એપાર્ટમેન્ટ બ્લોક નં.૬૦૧ ખાતે રહેતા હેપીભાઇ નાનજીભાઇ ગડારા નામના યુવકે ગત તા.૦૨/૦૮/૨૦૨૩ ના રાત્રીના સમયે પોતાનું જીજે-૩૬-ઇ-૭૪૨૦ નંબરનું રૂ.૪૦,૦૦૦/-ની કિંમતનું હોન્ડા સીબી સાઇન મોટરસાઇક્લ મોરબીનાં નવા બસસ્ટેન્ડ અંદર આવેલ પ્લેટફોર્મ નં.૩ તથા ૪ ના વચ્ચે પાર્કીંગમા પાર્ક કર્યું હતું. જ્યાંથી તે બહાર જતો રહ્યો હતો. જે બાદ તેણે તા.૦૩/૦૮/૨૦૨૩ ના આવી ને જોતા પોતાનું મોટરસાઇકલ સ્થળ પર હાજર મળી ન આવતા સમગ્ર મામલે યુવકે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરાવી છે.
