વાંકાનેરમાં ભાયાતી જાંબુડીયા ગામ ખાતેથી દેશી દારૂ બનાવવાનો આથો મળી આવ્યો : આરોપી ફરાર

વાંકાનેરમાં વધુ એક વખત દેશી દારૂ બનાવવાની સામગ્રી મળી આવી છે. જેમાં વાંકાનેર તાલુકા પોલીસ દ્વારા ભાયાતી જાંબુડીયા ગામની પાધેળા તરીકે ઓળખાતી સીમમાં આવેલ આરોપીની વાડીમાં રેઇડ કરી ઠંડો આથો પકડી પાડવામાં આવ્યો છે.

મળતી માહિતી અનુસાર, વાંકાનેર તાલુકા પોલીસની ટીમને ગઈકાલે પેટ્રોલીંગ દરમિયાન બાતમી મળી હતી કે, વીજયસિંહ ઉર્ફે બબભા ઘનુભા ઝાલા નામના શખ્સે ભાયાતી જાંબુડીયા ગામની પાધેળા તરીકે ઓળખાતી સીમમાં આવેલ પોતાની કબ્જા ભોગવટાવાળી વાડીમાં દેશી દારૂ બનાવવાનો ઠંડો આથો છુંપાડેલ છે. જે હકીકતના આધારે પોલીસે સ્થળ પર રેઇડ કરી દેશી દારૂ બનાવવાના ઠંડા આથા જેવું ૮૦૦ લીટર કેફી પ્રવાહી રૂ.૧૬૦૦/- નો મુદ્દામાલ પકડી પાડી આરોપી સ્થળ પર હાજર મળી નહિ આવતા વીજયસિંહ ઉર્ફે બબભા ઘનુભા ઝાલા વિરૂધ્ધ ગુન્હો નોંધી કાયદેસરની કાર્યવાહી હાથ ધરવામાં આવી છે.