હળવદમાં “ચાલ ઘરે તને બુટ આપુ”કહી વિકૃત ઈસમે આઠ વર્ષના બાળક સાથે આચર્યું સૃષ્ટિ વિરુદ્ધનું કૃત્ય:ગુનો નોંધવા તજવીજ શરૂ

હળવદ પંથકમાં રહેતા આઠ વર્ષના બાળક ને લલચાવી ફોસલાવી વિકૃત માનસિકતા ધરાવતા ૨૨ વર્ષીય ઈસમે સૃષ્ટિ વિરુદ્ધનું કૃત્ય આચર્યા નો બનાવ સામે આવ્યો છે.

આ બનાવની વિગત મુજબ હળવદ પંથકમાં રહેતા બાળક ને વિકૃત માનસિકતા ધરાવતા આરોપી અક્ષય રમેશ કોળી ચીખલી વાળા (ઉ. વ.૨૨) એ “ચાલ ઘરે તને બુટ આપુ” કહીને લલચાવી ફોસલાવી ને અવાવરૂ જગ્યાએ લઇ ગયો હતો ત્યાર બાદ બાળક સાથે સૂર્ષ્ટી વિરુદ્ધનું કૃત્ય આચર્યું હતું. જે બાદ બાળકે સમગ્ર બનાવની વાત પોતાના પરિવાર જનો ને કરતા તાત્કાલિક હળવદ હોસ્પિટલે દોડી ગયા હતા બાદમાં મોરબી સરકારી હોસ્પીટલ ખાતે વધુ સારવાર અર્થે ખસેડવામાં આવ્યો હતો.તેમજ હળવદ પોલીસે પણ બનાવની જાણ થતાની સાથે જ તપાસ શરૂ કરી છે અને ગુનો નોંધવા તજવીજ શરૂ કરી છે.