મોરબીમાં માર્ગ અકસ્માતની વધુ એક ઘટના સામે આવી છે. જેમાં પુરપાટ ઝડપે જતા ટ્રકે વળાંક લઈ રહેલ ટ્રિપલ સવારી બાઈકને હડફેટે લેતા બે યુવકોનાં મોત નિપજ્યા છે. જયારે એક યુવક ગંભીર ઈજાગ્રસ્ત થતા તેને સારવાર અર્થે હોસ્પિટલ ખસેડવામાં આવ્યો છે. તેમજ સમગ્ર મામલે મોરબી તાલુકા પોલીસે ગુન્હો નોંધી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબીનાં ઉંચી માંડલ ગામે રહેતા વિજયભાઇ દેવસીભાઇ લાંબરીયાના ફઇનો દિકરો સુનિલભાઇ લાખાભાઇ પરસાદીયા, ફરીયાદીનો ભત્રીજો નયનભાઇ રાજેશભાઇ લાંબરીયા તથા ફરીયાદીનો કુટુંબી ભાઇ કરણભાઇ ભરતભાઇ લાંબરીયા ગત તા.૦૬/૦૯/૨૦૨૩નાં બપોરના સમયે GJ-36-J-3903 નંબરની મોરટસાઇક્લ લઈ શનાળા ગામ તરફથી ચલાવી આવી મોરબી-હળવદ રોડ ઉપર ચડાવી હળવદ તરફ વળાંક લેવા જતા હતા. ત્યારે પુરપાટ ઝડપે આવતા GJ-12-AU-8427 નંબરનાં ટ્રકનાં ચાલકે પોતાનું ટ્રક પૂર ઝડપે ચલાવી આવી મોટરસાઇકલને હડફેટ લેતા સુનીલભાઇ તથા નયનભાઇના શરીરે ગંભીર ઇજાઓ પહોંચતા તેઓનું સ્થળ પર જ મોત નીપજ્યું હતું. તેમજ કરણભાઇને ડાબા પગમાં સામાન્ય ઇજા પહોંચતા તેઓએ સારવાર અર્થે ખસેડવામાં આવ્યા છે. ત્યારે સમગ્ર મામલે મોરબી તાલુકા પોલીસે ગુન્હો નોંધી કાયદેસરની કાર્યવાહી હાથ ધરી છે.
