મોરબીમાં માર્ગ અકસ્માતમાં વધુ એક યુવકની જિંદગી હોમાઈ છે. જેમાં એક પુરપાટ ઝડપે જતા ટ્રકનાં ચાલકે મોટરસાઈકલને હડફેટે લેતા મોટરસાઈકલ ચાલક યુવકનું ઘટનાસ્થળે મોત નીપજ્યું હતું. જે સમગ્ર મામલે મૃતકનાં ભાઈ દ્વારા મોરબી સીટી બી ડિવિઝન પોલીસ સ્ટેશનમાં ફરિયાદ દાખલ કરાવવામાં આવ છે.
મળતી માહિતી અનુસાર, મોરબીનાં ખોડીયાર માતાના ચોક પાસે ઇન્દીરાનગર ખાતે રહેતા હિતેશભાઇ કરશનભાઇ ચૌહાણના ભાઇ શીવાભાઇ ચૌહાણ ગત તા-૧૦/૦૯/૨૦૨૩ ના રોજ બપોરના સમયે માળીયા હાઇવે રોડ ટીંબડી પાટીયા નજીક સતનામ કાંટા સામે રોડ ઉપરથી પોતાની GJ-36-AG-8562 નંબરની હિરો સ્પલેન્ડર મોટરસાઇકલ લઈ પસાર થઈ રહ્યો હતો. ત્યારે GJ-21-W-7711 નંબરનાં ટ્રકનાં ચાલકે પુરપાટ ઝડપે પોતાનું ટ્રક ચલાવી આવી મોટરસાઈકલને સાઇડેથી ટક્કર મારી અડફેટેમાં લઇ કમ્મરના તથા બંને પગમા તથા ગુપ્ત ભાગે ગંભીર પ્રકારની ઇજા કરતા યુવકનું ઘટનાસ્થળે જ મોત નીપજ્યું હતું. જયારે આરોપી પોતાનું ટ્રક મુકી નાશી જતા સમગ્ર મામલે મોરબી સીટી બી ડિવિઝન પોલીસ સ્ટેશનમાં ફરિયાદ દાખલ કરાવવામાં આવી છે.
