મોરબી તાલુકા વિસ્તાર માં બે અને વાંકાનેરમાં તાલુકામાં એક મળી કુલ ત્રણ અપમૃત્યુના બનાવ નોંધાયા છે.
જેમાં પ્રથમ બનાવમાં મોરબી તાલુકાનાં ધરમ પુર નજીક મચ્છુ ૩ ડેમ માં ન્હાવા પડેલ સુરેશભાઈ નરસિંહ ભાઈ ચાવડા (ઉ. વ.૨૭ રહે.પાવર હાઉસ પાછળ મોરબી)વાળા કોઈ કારણોસર ડૂબી જતાં તેમનું મોત નિપજ્યું હતું.જે બનાવની મોરબી તાલુકા પોલીસે નોંધ કરી કાર્યવાહી હાથ ધરી છે.
જ્યારે બીજા બનાવમાં મોરબી તાલુકાના જીવા પર ગામે ખેત મજુર પરિવાર ના દોઢ વર્ષીય બાળક ઈશ્વર દીવાન ભાઈ સિંઘાનિયા ને જેરી જનાવર કરડી જતાં તેનું મોત નિપજ્યું હતું.જે બનાવની મોરબી તાલુકા પોલીસે નોંધ કરી ને કાર્યવાહી હાથ ધરી હતી.
જ્યારે ત્રીજા બનાવમાં વાંકાનેર તાલુકા ના ઢુંવા ગામે આવેલ ફ્રિડમ સિરામીક ના લેબર ક્વાર્ટર માં રહેતા પૂરી બેન સીતારામ ધિંગાણીયા (ઉ. વ.૨૮) વાળાએ કોઈ અગમ્ય કારણોસર લેબર ક્વાર્ટર માં ગળાફાંસો ખાઈ લેતા તેમનુ મોત નીપજ્યું હતું.જે બનાવની વાંકાનેર તાલુકા પોલીસે નોંધ કરી ને તપાસ હાથ ધરી છે.
