મોરબીનાં નાની વાવડી ગામ સિધ્ધી વિનાયક સોસાયટી ખાતે ચોરી થવાનો બનાવ સામે આવ્યો છે. રહેણાંક મકાનના બેડ રૂમમાં કબાટના રાખેલ બોક્સમાંથી કુલ પાંચ તોલા વજનનુ સોનુ તથા કુલ રોકડ રકમ આશરે રૂ.15,000/- મળી કુલ રૂ.1,39,000 ના મતાની ચોરી કરતા અજાણ્યા ચોર સામે મોરબી તાલુકા પોલીસ સ્ટેશનમાં ગુન્હો દાખલ કરાયો છે.
મળતી માહિતી અનુસાર, મોરબીનાં નાની વાવડી ગામ સિધ્ધી વિનાયક સોસાયટી ખાતે રહેતા બિપીનભાઇ લાભશંકર મહેતાના રહેણાંક મકાનમાં આવેલ બેડ રૂમમાંથી ગત તા.06/09/23 ના બપોરના બે વાગ્યાથી તા.10/09/2023 ના 8:00 વાગ્યા સુધીમાં ફરિયાદીના મકાનમાં અજાણ્યા ચોરે મકાનમાં પ્રવેશ કરી મુખ્ય દરવાજાનો નકુચો તોડી બેડ રૂમમાં લોખંડના પલંગની બાજુમાં આવેલ કબાટના નીચેના ખાનામાં રાખેલ પતરાની પેટીનો નકુચો તોડી પેટીમાં એક કાપડની થેલીમાં રાખેલ બોક્સમાંથી સોનાનો ચેઇન પેન્ડલ સાથેનો આશરે બે તોલા વજનનો તથા એક સોનાનો હાર તથા તેની બુટ્ટીની જોડી-1 આશરે ત્રણ તોલા વજન આમ કુલ પાંચ તોલા વજનનુ સોનુ આશરે કિંમત રૂપીયા 1,24,000 /- તથા કબાટમાં તેમજ પલંગ ઉપર પડેલ ગાદલાની નીચે કુલ રોકડ રકમ આશરે રૂપીયા 15,000/- મળી કુલ રૂપીયા 1,39,000 ના મતા ની ચોરી થતા મોરબી તાલુકા પોલીસ સ્ટેશન ખાતે ગુન્હો દાખલ કરાવ્યો છે.
