વાંકાનેરના મેસરીયા ગામે વીનાભાઇ કેસાભાઇ કોળીની દુકાન સામે જાહેરમાં ગોળ કુંડાળું વાળી ગંજીપતાના પાના તથા પૈસા વતી તીનપત્તીનો હારજીતનો જુગાર રમતા ત્રણ ઈસમો પકડાયા હતા. જયારે ચાર ઈસમો ફરાર થતા તેઓને વોન્ટેડ જાહેર કરી કાયદેસરની કર્યવાહી હાથ ધરવામાં આવી છે.
મળતી માહિતી અનુસાર, મેસરીયા ગામે આરોપી વીનાભાઇ કેસાભાઇ કોળીની દુકાન સામે જાહેરમાં ગોળ કુંડાળું વળી ગંજીપતાના પાના તથા પૈસા વતિ તીનપત્તીનો હારજીતનો નસીબ આધારીત જુગાર રમતા ઈસમોને કુલ રોકડા રૂપીયા-15,300/- તથા બે મોબાઇલ ફોન મળી કુલ રૂ.23,300/- ના મુદ્દામાલ સાથે પકડી પાડવામાં આવ્યા હતા. અને આરોપીઓ હરેશભાઇ સોમાભાઇ ભુસડીયા, ભરતભાઇ ગોવીંદભાઇ રાઠોડ અને મીઠાભાઇ પાંચાભાઇ મકવાણાની અટકાયત કરવામાં આવી હતી. જ્યારે આરોપી સામજીભાઇ સોમાભાઇ કોળી, ધનાભાઇ ગેલાભાઇ કોળી, વીનાભાઇ કેસાભાઇ કોળી અને હસમુખભાઇ દેવગુણભાઇ કોળી નાશી છુટતા તેમના વિરૂદ્ધ વાંકાનેર તાલુકાના પોલીસ સ્ટેશન ખાતે ગુન્હો દાખલ કરાયો છે.
