મોરબીમાં જુગાર રમતા ઈસમો પકડાવવાના બનાવો અવારનવાર નોંધાતા હોય છે. ત્યારે ગઈકાલે મોરબી બી ડિવિઝન પોલીસ સ્ટેશન વિસ્તારમાં માળીયા ફાટક નજીક સર્કીટ હાઉસની ફુટપાથ ઉપરવર્લી ફીચરના આંકડાઓ લખી નશીબ આધારીત પૈસાની હારજીતનો જુગાર રમાડતા આરોપીઓની મોરબી બી ડિવિઝન પોલીસ દ્વારા અટકાયત કરી કાયદેસરની કાર્યવાહી હાથ ધરવામાં આવી છે.
મળતી માહિતી અનુસાર, મોરબી બી ડિવિઝન પોલીસ દ્વારા ગઈકાલે બાતમીનાં આધારે માળીયા ફાટક નજીક સર્કીટ હાઉસની ફુટપાથ ઉપર રેઈડ કરવામાં આવી હતી અને સ્થળ પર મુકેશભાઇ ભીમજીભાઇ ભાંભી (રહે.આંબેડકર કોલોની છેલ્લી શેરી વાલ્મીકી સમાજ પાસે વીસીપરા મોરબી) અનવરભાઇ બાવાભાઇ મોવર (રહે.વીસીપરા મદીના સોસાયટી શેરી નં.૧ ફારૂકભાઇના ઘર પાસે મોરબી) પાસેથી વર્લી ફીચરના આંકડાઓ લખી નશીબ આધારીત પૈસાની હારજીતનો જુગાર રમી રમાડી મુકેશભાઇ રોકડા રૂપિયા ૩૨૦/- તથા વરલી ફિચરનાં આંકડા લખેલ ત્રણ ચિઠ્ઠિ સાથે તથા અનવરભાઇ રોકડા રૂપિયા.૪૪૦/- સાથે મળી કુલ રૂ.૭૬૦/- ના મુદ્દામાલ સાથે મળી આવતા તેઓની અટકાયત કરી કાયદેસરની કાર્યવાહી હાથ ધરી છે.
