મોરબીમાં જુગારીઓનો રાફડો ફાટ્યો હોય તમ રોજ જુગાર રમતા ઈસમો ઝડપાઇ રહ્યા છે. ત્યારે ગઈકાલે મોરબી સીટી એ ડિવીઝન પોલીસ દ્વારા બે સ્થળોએ રેઈડ કરી નોટ નંબરીનો જુગાર રમતા છ ઈસમોને પકડી પાડ્યા હતા.
પ્રથમ દરોડામાં, મોરબી સીટી એ ડિવીઝન પોલીસની ટીમ દ્વારા શકિતચોક પાસે રીક્ષાસ્ટેન્ડ અંદર બાતમીનાં આધારે રેઈડ કરવામાં આવી હતી અને સ્થળ પરથી ચલણી નોટોના નંબર ઉપર રૂપિયાની હારજીતનો નશીબ આધારીત નોટ નંબરીનો જુગાર રમી રમતા વિજયભાઇ હકાભાઇ બારૈયા, પ્રકાશભાઇ ભુજાભાઇ દેગામા તથા આસીફભાઇ જુમાભાઇ સુમરા નામના શખ્સોને જુદા જુદા દરની ભારતીય ચલણી કુલ રોકડા રૂ.૧૪૫૦/- ના મુદામાલ સાથે પકડી પાડી કાયદેસરની કાર્યવાહી હાથ ધરી છે.
બીજા દરોડામાં,મોરબીનાં મંગલભુવન ચોક કબ્રસ્તાન પાસે જાહેરમાં ચલણી નોટોના નંબર ઉપર રૂપિયાની હારજીતનો નશીબ આધારીત નોટ નંબરીનો જુગાર રમતા લાલજીભાઇ બાબુભાઇ સારદીયા, સલીમભાઇ હાજીભાઇ ખલીફા તથા મોદીશા નુરશા શેખ નામના શખ્સોને રોકડા રૂ.૧૧૫૦/- ના મુદામાલ સાથે મોરબી સીટી એ ડિવીઝન પોલીસની ટીમે પકડી પાડી કાયદેસરની કાર્યવાહી હાથ ધરી છે.
