મોરબીની જિનિંગ મિલમાંથી થઈ ૧.૯૮ લાખની કિંમતની ઇલેકટ્રીક મોટરોની ચોરી

મોરબીમાં ઘરફોડ ચોરીનાં બનાવો દિન પ્રતિદિન વધી રહ્યા છે. ત્યારે મોરબીની ડાયમંડનગર નજીકમા પુરૂષાર્થ કોટર્ન ઇન્ડસ્ટ્રીજ (જીન)મા ચોરી થયા હોવાની ઘટના સામે આવી છે. જેમાં અમુક ઈસમો ઇલેકટ્રીક મોટરોની ચોરી કરી લઇ જતા સમગ્ર મામલે મોરબી તાલુકા પોલીસ સ્ટેશનમાં ફરિયાદ નોંધાઈ છે.

મળતી માહિતી અનુસાર, મોરબીના આમરણ ડાયમંડનગર ખાતે રહેતા રાજેશભાઇ દયાલજીભાઇ બોડાના આમરણ ડાયમંડનગર નજીક આવેલ પુરૂષાર્થ કોટર્ન ઇન્ડસ્ટ્રીજ (જીન) મા ગત તા-૩૦/૧૦/૨૦૨૩ થી ૨૨/૧૧/૨૦૨૩ દરમ્યાન કોઇ પણ વખતે કોઇ અજાણ્યા ચોર ઇશમો જીનના શેડની બારી તોડી અંદર પ્રવેશ કરી જીનના ચરખામા લગાડેલ ૨૨ ઇલેકટ્રીક મોટરો જેની કુલ કિંમત રૂપિયા ૧,૯૮,૦૦૦/- હોય જેની ચોરી કરી લઇ જતા સમગ્ર મામલે મોરબી તાલુકા પોલીસ સ્ટેશનમાં ફરિયાદ દાખલ કરાવવામાં આવી છે.