મોરબી વાંકાનેર જાંબુડિયા દરિયાલાલ હોટલ સામે સર્વિસ રોડ પર જઈ રહેલા યુવાનને ટ્રક ચાલકે સામેથી ટક્કર મારી પગ ચૂંદી નાખી શરીરના ભાગે ગંભીર ઈજાઓ પહોંચાડતા યુવકનું મોત નીપજ્યું હતું. જે સમગ્ર મામલે મોરબી તાલુકા પોલીસે સ્ટેશનમાં ફરિયાદ દાખલ કરાઈ છે.
મળતી માહિતી અનુસાર, મોરબી વાંકાનેર જાંબુડીયા દરીયાલાલ હોટલ સામે સર્વિસ રોડ ઉપર ફરીયાદી કલ્પેશભાઇ બાબુભાઇ પીપળીયાના 22 વર્ષીય ભાઈ મહેશભાઇ બાબુભાઇ પીપળીયા ગઈકાલે સવારના સમયે પોતાના GJ-36-AH-0441 નંબરનાં યામાહા આર.15 મોટર સાયકલ લઇને જતા હતા ત્યારે GJ-03-AW-4166 નંબરના ટ્રકનાં ચાલકે પોતાના હલાવાનો ટ્રક પુર ઝડપે અને માણસોની જીંદગી જોખમાય તે રીતે બેફીકરાયથી બેદરકારી ભરી રીતે ચલાવી નીકળી સામેથી આવતા ફરીયાદીના ભાઇને હડફેટમાં લઇ ટ્રકના ટાયરના જોટામાં શરીરનો ડાબો પગ નળાના ભાગેથી ઘુંટી સુધી ચગદી ચુંદી નાંખી,આખા વાંસામાં,જમણી આંખે,ગાલે ડાબા હાથે કોણીના અંદરના ભાગે ડાબા પગના સાથળના ભાગે જમણા પગના થાપાના ભાગે છોલછાલની ગંભીર ઇજાઓ પહોંચાડી મોત નિપજાવતા ટ્રક ચાલક વિરૂદ્ધ મોરબી તાલુકા પોલીસ સ્ટેશન ખાતે ગુન્હો દાખલ કરાયો છે.
