મોરબીમાં અનુસૂચિત જાતિના યુવકને પગાર મામલે માર મારી પગરખા મોઢામાં લેવડાવનાર આરોપીઓ પૈકી એક ઈસમની ધરપકડ

મોરબી શહેરમાં લેડી ડોન તરીકે ઓળખાતી રાણીબા ઉર્ફે વિભૂતિ પટેલ ફરીથી ચર્ચમાં આવી છે. પોતાની જાતને લેડી ડોન ગણાવતી રાણીબાએ કામે રાખેલા યુવાનને પગાર ચુકવ્યા વગર જ છૂટો કરી દેતા અને પછી તેને બોલાવીને માર મારતા વિવાદ વકર્યો છે. જોકે, આ ઘટના ચર્ચામાં આવતા લેડી ડોન ભૂગર્ભમાં ઉતરી ગઇ છે. જયારે પોલીસે આ ગુનામાં સંડવાયેલા એક આરોપીની ધરપકડ કરી છે.

મળતી માહિતી અનુસાર, મોરબીમાં અનુસૂચિત જાતિના યુવકને પગાર મામલે માર મારવામાં આવ્યો હતો. જેને લઇ મોરબીની વિભૂતિ પટેલ ઉર્ફે રાણીબા, ઓમ પટેલ, પરીક્ષિત, ડી ડી રબારી, રાજ પટેલ અને અન્ય અજાણ્યા ઇસમ સામે ફરિયાદ નોધાઇ છે. ફરિયાદને પગલે પોલિસ દ્વારા આરોપીઓને પકડવા તજવીજ હાથ ધરાઇ છે. ટીજ પોલીસે આ ગુનામાં સંડવાયેલા ડી ડી રબારીની ધરપકડ કરી છે. અને અન્ય આરોપીઓની આશ્રય સ્થાનો શોધવા કવાયત શરૂ છે.