મોરબીના નજરબાગ રેલ્વે સ્ટેશન નજીકથી એક ઈસમ વિદેશી દારૂની બોટલ સાથે ઝડપાયો

મોરબીમાં વિદેશી દારૂ ઝડપાવવાનો સિલસિલો યથાવત રહ્યો છે. જેમાં નજરબાગ રેલ્વે સ્ટેશન નજીક ભડીયાદ રોડ ઉપરથી એક ઈસમ જાહેરમાં વિદેશી દારૂની બોટલ લઈ નીકળતા મોરબી સીટી બી ડિવિઝન પોલીસની ટીમે તેને પકડી પાડી આરોપી વિરુધ્ધ પ્રોપ્રોહિબિશન એક્ટ કલમ ૬૫(એ)(ઇ), ૧૧૬(બી) મુજબ ગુન્હો દાખલ કર્યો છે.

મળતી માહિતી અનુસાર, મોરબી સીટી બી ડિવિઝન પોલીસની ટીમે ગઈકાલે બાતમીના આધારે નજરબાગ રેલ્વે સ્ટેશન નજીક ભડીયાદ રોડ ઉપર રેઈડ કરી મુળજીભાઇ ઉર્ફે મનુભાઇ લખમણભાઇ સાગઠીયા નામના શખ્સને ગેર કાયદેસર પાસ પરમીટ કે આધાર વગર પોતાના કબ્જામાં ભારતીય બનાવટની વિદેશી દારૂની વ્હાઇટ લેક વોડકા ઓરેન્જ ફલેવરની કાચની કંપની શીલપેક રૂ.૧૦૦/-ની કિંમતની ૦૧ બોટલ સાથે નીકળતા મોરબી સીટી બી ડિવિઝન પોલીસે આરોપીને પકડી પાડી કાયદેસરની કાર્યવાહી હાથ ધરી છે.