હળવદમાં રહેણાક મકાનના રસોડામાંથી ઇગ્લિશ દારૂના ચપલા પકડાયા

હળવદના પંચમુખી ઢોરામાં ઘંટીની પાછળની શેરીમાં આવેલ રહેણાંક મકાનમાં એક મહિલા વિદેશી દારૂ વેચાતી હોવાની બાતમીનાં આધારે પોલીસે સ્થળ પર રેઈડ કરી મકાનનાં રસોડામાંથી વિદેશી દારૂના ચપલા પકડી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, હળવદ પોલીસની ટીમે ગઈકાલે બાતમીનાં આધારે હળવદના પંચમુખી ઢોરામાં ઘંટીની પાછળ બીજી શેરીમાં આવેલ સલમાબેન ઉર્ફે સોનુ આશીફભાઈ મીરના રહેણાંક મકાનમાં રેઈડ કરી મકાનનાં રસોડામાં વેચાણ કરવાના ઇરાદે રાખેલ ભારતીય બનાવટની વિદેશી દારૂની ગ્રીન પાર્ક ધ ઓરીજનલ બ્લેન્ડેડ મલ્ટ વ્હિસ્કીનાં રૂ.૧૮૦૦/-ની કિંમતનાં ૧૮ ચપલાનો મુદામાલ કબ્જે કરી મહિલા આરોપી મળી આવતા હળવદ પોલીસે કાયદેસરની કાર્યવાહી હાથ ધરી છે.