મોરબી જિલ્લામાં જુગાર અને દારૂની બદીને અટકાવવા માટે પોલીસ અધિક્ષક રાહુલ ત્રિપાઠીએ સૂચનાઓ આપી છે. જેને ધ્યાને લઈ મોરબી શહેર અને જિલ્લા પોલીસ સતર્ક થઇ ગઇ છે. ત્યારે ગઇકાલે મોરબી સીટી એ ડિવીઝન પોલીસે વાવડી રોડ ગાયત્રીનગર મેઈન શેરી પાસેથી એક ઈસમને વર્લીફીચરનો જુગાર રમાડતા પકડી પાડ્યો છે. જયારે એક ઈસમ ફરાર થયો છે.
મળતી માહિતી અનુસાર, મોરબી સીટી એ ડિવીઝન પોલીસની ટીમ ગઈકાલે પેટ્રોલિંગમાં હોય ત્યારે તેઓને બાતમી મળી હતી કે, મોરબી વાવડી રોડ ગાયત્રીનગર મેઈન શેરી પાસે જાહેરમા નિલેશભાઈ ભવાનભાઈ પાડલીયા નામનો ઈસમ વર્લીના આકડાઓ લઈને અન્ય ઈસમ પાસે પાસે કપાત કરાવી જાહેરમાં વર્લીફીચરના નશીબ આધારિત આંકડા લખી જુગાર રમી રમાડી રહ્યો છે. જે હકીકતના આધારે પોલીસે સ્થળ પર રેઈડ કરી નિલેશભાઈ ભવાનભાઈ પાડલીયા નામના શખ્સને જુગાર સાહિત્ય તથા રોકડ રૂ.૨૦૨૦/-ના મુદામાલ સાથે પકડી પાડી અન્ય ઈસમ સ્થળ પરથી મળી ન આવતા તેને પકડવા ચક્રો ગતિમાન કર્યા છે.
