વાંકાનેરના રેલ્વે સ્ટેશન રોડ ઉપર જાહેરમાં વર્લી મટકાનો જુગાર રમતા એક શખ્સ ઝડપાયો

વર્લી આકડાનું કપાત કરતા અન્ય એક શખ્સનું નામ ખુલ્યું

મળતી માહિતી અનુસાર વાંકાનેરના રેલ્વે સ્ટેશન રોડ ઉપર આવેલ ગેબી પાન સને રોડ ઉપર જાહેરમાં વર્લી ફિચર્સના આંકડાઓ લખી નસીબ આધારિત પૈસાની હારજીતનો જુગાર રમતા ક્રીપાલસિંહ બાબુભા જાડેજા જાતે દરબાર ઉવ. ૩૭ રહે. રહે. વાંકાનેર મીલ પ્લોટ કોલોની, રેલ્વે સ્ટેશન રોડની વાંકાનેર સીટી પોલીસ દ્વારા અટક કરવામાં આવી હતી. પોલીસે સ્થળ ઉપરથી વારલી મટકાના જુગાર રમવાના સાહિત્ય, રોકડા ૧૫,૬૧૦/- તથા એક મોબાઇલ સહીત કુલ રૂ.૨૦,૬૧૦/- નો મુદામાલ જપ્ત કર્યો હતો. જયારે પકડાયેલ આરોપીની સઘન પૂછતાછમાં વર્લી આકડાનું કપાત અન્ય આરોપી અબુભાઇ હાલે રહે.મીલ પ્લોટ વાંકાનેર મુળરહે.ચોટીલા જી.સુરેન્દ્રનગરનું નામ ખુલતા હાલ પોલીસે બંને આરોપીઓ વિરુદ્ધ જુગારધારા હેઠળ ગુનો નોંધી આગળની ધોરણસરની કાર્યવાહી હાથ ધરી છે.