મોરબીના ગોરખીજડિયા ગામે કૂવામાં મોટર રિપેર કરવા ઉતરેલ મજૂરનું પાણીમાં ડૂબી જવાથી મોત

ગોરખીજડિયા ગામની જેપુર મોરાવાડી વિસ્તારના વાડી માલિક રમેશભાઈ વનુંભાઈ ગોરિયા વાડીમાં કામ કરતો માણસ (મજુર) કુવામાં મોટર રિપેર કરવાં જતા પાણીમાં ડૂબતા મોત થયાનો બનાવ સામે આવ્યો છે. જેને ફાયર વિભાગ દ્વારા બે કલાકની ભારે જહેમત બાદ બહાર કાઢવામાં આવ્યો હતો.

મળતી માહિતી અનુસાર, ગોરખીજડિયા ગામના સરપંચ દ્વારા ફાયર વિભાગને જાણ કરવામાં આવી કે ગોરખીજડિયા ગામની જેપુર મોરાવાડી વિસ્તારના વાડી માલિક રમેશભાઈ વનુંભાઈ ગોરિયા વાડીમાં કામ કરતો ૨૬ વર્ષીય સુબેસિંગ (ઉર્ભે મૂકો) કેરુંભાઈ દેવકિયા મઘ્યપ્રદેશના અડવાના ગામના રહેવાસી કુવામાં મોટર રિપેર કરવાં જતા પાણીમાં ડૂબતા મોત થયાનો બનાવ સામે આવ્યો છે. જેની કૂવામાંથી મૃતદેહને બે કલાકની ભારે જહેમત બાદ મોરબી ફાયર એન્ડ ઇમરજન્સી સર્વિસના જવાનોએ બહાર કાઢી પીએમ માટે સિવિલ હોસ્પિટલ ખાતે ખસેડાયો હતો.