મોરબીમાં બીમારીથી કંટાળી પ્રૌઢે એસીડ ગટગટાવી મોત વ્હાલુ કર્યું

મળતી માહિતી અનુસાર મોરબીના સામાકાંઠા વિસ્તારમાં આવેલ વેજીટેબલ રોડ સ્થિત ભાગ્યલક્ષ્મી સોસાયટીમાં રહેતા ૫૫ વર્ષીય નથુભાઇ રાજાભાઇ મુછડીયાને કોઈ બીમારી હોય જેથી કંટાળી જઈ પોતે પોતાની જાતે એસીડ ગટગટાવી લીધું હતું. ત્યારે પરીજનો દ્વારા નથુભાઈને સારવાર અર્થે મોરબીની ખાનગી હોસ્પિટલમાં ખસેડવામાં આવ્યા હતા જ્યાં સારવાર હેઠળ હોય તે દરમિયાન નથુભાઈનું મૃત્યુ નીપજ્યું હતું. હાલ મોરબી બી ડિવિઝન પોલીસે અકાળે મોતની નોંધ કરી આગળની તપાસની તજવીજ હાથ ધરી છે.