વાંકાનેરના જીનપરા જકાતનાકા નજીકથી યુવક બીયરના ટીન સાથે ઝડપાયો

મળતી માહિતી અનુસાર વાંકાનેર સીટી પોલીસ ટીમ પેટ્રોલિંગમાં હોય તે દરમિયાન જીનપરા જકાતનાકા નજીક પહોચતા જ્યાં એક ઈસમ પ્લાસ્ટિકની કોથળી લઈને શંકાસ્પદ હાલતમાં ઉભો હોવાનું ધ્યાને આવતા તે ઈસમ પાસેની પ્લાસ્ટિકની કોથળીની ઝડતી લેતા તેમાંથી પાવર કુલ સ્ટ્રોંગ બીયરના ચાર નંગ ટીન મળી આવ્યા હતા. આ સાથે આરોપી સાગરભાઈ શામજીભાઈ સોલંકી ઉવ.૨૧ રહે.વાંકાનેર જીનપરા શેરી નં. ૧૩ ની સ્થળ ઉપરથી અટક કરી તેની વિરુદ્ધ વાંકાનેર સીટી પોલીસ મથકમાં પ્રોહી. હેઠળ ગુનો નોંધી કાયદેસરની કાર્યવાહી હાથ ધરી છે.