મોરબીના ઘુંટુ ગામે ૨૩ વર્ષીય યુવકે ગળેફાંસો ખાઈ જીવતર ટૂંકાવ્યું

મોરબીના ઘુંટુ ગામની સીમમાં આવેલ ધર્મસુષ્ટી સોસાયટીમાં યુવકે ગળેફાંસો ખાઈ આપઘાત કર લેતા તેનું મૃત્યુ નીપજ્યું હતું.

મોરબીના ઘુંટુ ગામે આઈટીઆઈ પાછળ આવેલ ધર્મસુષ્ટી સોસાયટીમાં રહેતા રોહિતભાઈ દયાળજીભાઈ પરમાર ઉવ.૨૩ એ રહેણાંક મકાનમાં કોઈ અગમ્ય કારણોસર પોતાની જાતે ગળેફાંસો ખાઈ આપઘાત કરી લીધો હતો. ત્યારે મૃતકની ડેડબોડી તેમના ભાઈ પ્રકાશભાઈ દ્વારા મોરબી સરકારી હોસ્પિટલ ખાતે લાવવામાં આવી હતી. બનાવ અંગે મોરબી તાલુકા પોલીસને જાણ કરતા મૃતદેહનું ઇન્કવેસ્ટ પંચનામું કરી પીએમ સહિતની કામગીરી માટે સોંપી આપવામાં આવી હતી. ત્યારે હાલ પોલીસે યુવકના અકાળે મોત અંગે અ.મોતની નોંધ કરી આગળની ઘટિત કાર્યવાહી હાથ ધરી છે.