વાંકાનેર:બેલાની ખાણમાં અકસ્માતે ઊંચાઈથી નીચે પાણીમાં પડેલ મજૂરનું મોત નીપજ્યુ

વાંકાનેર તાલુકાના પાડધરા ગામે આવેલ આદર્શ પટેલ નામની ગામના બેલાની ખાણમાં અકસ્માતે ઊંચાઈએથી નીચે પાણીમાં પડેલ ૫૦ વર્ષીય શ્રમિકનું કરૂણ મૃત્યુ નીપજ્યું હતું.

પ્રાથમિક વિગતો અનુસાર, ૩ નવેમ્બર ૨૦૨૪ના રોજ પાડધરા ગામે રહેતા બાઘાભાઇ જાદુભાઇ ડૈણીયા જાતે કોળી ઉવ.૫૦ ખાણમાં કામ કરી રહ્યા હતા. તે સમયે ખાણમાં ઊંચાઇ પરથી પાણી ભરેલા ખાડામાં અચાનક પડી જતાં, માથા અને શરીરે ગંભીર ઈજાઓ થતા તેઓનું સ્થળ પર જ મૃત્યુ થયું હતું.

આ મૃત્યુના બનાવ બાદ બાઘાભાઈનો મૃતદેહ પોસ્ટમોર્ટમ માટે ખસેડવામાં આવ્યો છે ત્યારે વાંકાનેર તાલુકા પોલીસે અકસ્માતે મૃત્યુ અંગેની નોંધ કરી આગળની તપાસ હાથ ધરી છે.