મોરબીમાં કોઈ કારણોસર જ્લનશીલપદાર્થથી સળગી જતા અજાણ્યા વૃદ્ધનું મોત

મોરબી શહેરના ખારીવાડી પ્રાથમિક શાળાની નવી બિલ્ડિંગ પાછળ આવેલ બાથરૂમમાં અજાણ્યા વૃદ્ધનો સળગી ગયેલ હાલતમાં મૃતદેહ મળી આવ્યો હતો. જે બનાવ મામલે પોલીસને જાણ કરતા પોલીસ કાફલો ઘટના સ્થળે દોડી આવ્યો હતો.

મોરબી સીટી એ ડિવિઝન પોલીસ મથકમાં નોંધાયેલ અ.મોતની ઘટનામાં ગઈકાલ તા. ૨૨/૧૨ના રોજ ખારીવાડી પ્રાથમિક શાળાની નવી બિલ્ડીંગ પાછળ આવેલ બાથરૂમમાં અજાણ્યા વૃદ્ધ ઉમર વર્ષ આશરે ૭૦ નો કોઈ અગમ્ય કારણોસર જ્વલનશીલપદાર્થથી સળગી મરણ ગઈ હાલતમાં મૃતદેહ મળી આવ્યો હતો. ત્યારે સીટી એ ડિવિઝન પોલીસે માવજીભાઇ પ્રેમજીભાઇ કણઝારીયા પાસેથી મૃત્યુના બનાવ મામલે પ્રાથમિક વિગતો મેળવી અ.મોતની નોંધ કરી આગળની તપાસ ચલાવી છે.