મોરબીમાં જિલ્લા કલેક્ટરના અધ્યક્ષસ્થાને કલેક્ટર કચેરીના સભાખંડ ખાતે મોરબી જીલ્લા સંકલન સમિતિની બેઠકનું આયોજન કરવામાં આવ્યું છે જેમાં રાષ્ટ્રીય પક્ષના પ્રતિનિધિ તરીકે મોરબી જીલ્લા કોંગ્રેસ સમિતિને આમંત્રણ આપવા મોરબી જીલ્લા કોંગ્રેસ સમિતિનાં પ્રમુખ દ્વારા કલેક્ટરને પત્ર લખવામાં આવ્યો છે.
મોરબી જીલ્લા કોંગ્રેસ સમિતિનાં પ્રમુખ કિશોરભાઈ ચિખલીયા દ્વારા કલેકટરને લખવામાં આવેલ પત્રમાં જણાવવામાં આવ્યું હતું કે, મોરબી જીલ્લા સંકલન સમિતિની છેલ્લે મળેલી બેઠકના ફોટા સોશિયલ મીડીયામાં મુકવામાં આવેલ છે. જેમાં સરકારી અધિકારીઓ તથા ચુંટાયેલા પ્રતિનિધિઓ ઉપરાંત ભાજપના આગેવાનો પણ જોવા મળી રહ્યા છે અને જીલ્લા સંકલન સમિતિની બેઠકમાં જો ભાજપના આગેવાનોને સ્થાન આપવામાં આવતું હોય તો રાષ્ટ્રીય પક્ષના પ્રતિનિધિ તરીકે મોરબી જીલ્લા કોંગ્રેસ સમિતિને પણ આમંત્રિત કરીને સ્થાન આપવામાં આવે તેવી માંગ કરવામાં આવી છે.
