મોરબીમાં ઉર્જા પખવાડિયું અંતર્ગત આર્યભટ્ટ લોક વિજ્ઞાન કેન્દ્ર મોરબી દ્વારા ગુજરાત ઉર્જા વિકાસ એજન્સી ગાંધીનગરના સહયોગથી ઉર્જા બચત કરવાના હેતુસર એક રેલીનું આયોજન કરવામાં આવ્યું હતું. જેમાં એનસીસી કેડેટ્સ અને ઓમશાંતિ ઈંગ્લીશ મીડીયમ સ્કૂલના વિદ્યાર્થીઓ જોડાયા હતા.
મોરબીમાં ગુજરાત કાઉન્સિલ ઑન સાયન્સ એન્ડ ટેકનોલોજી ગાંધીનગર દ્વારા પ્રેરિત “આર્ય ભટ્ટ” લોક વિજ્ઞાન કેન્દ્ર દ્વારા ગુજરાત ઉર્જા વિકાસ એજન્સી ગાંધીનગરના સહયોગથી ઉર્જા પખવાડિયું અંતર્ગત રેલીનું આયોજન કરવામાં આવ્યું હતું. જેમાં “આર્ય ભટ્ટ”લોક વિજ્ઞાન કેન્દ્રના કો-ઓડીનેટર દિપેન ભટ્ટના માર્ગદર્શન હેઠળ રેલીનું આયોજન કરવામાં આવ્યું હતું. આ રેલીમાં એમ.એમ.સાયન્સ કોલેજમાં ચાલતા એનસીસી કેડેટસ તેમજ ઓમશાંતિ અંગ્રેજી માધ્યમ સ્કૂલના વિદ્યાર્થીઓ પણ સાથે જોડાયા હતા. ત્યારે આ રેલીનો મુખ્ય હેતુ ઉર્જા બચત કરવાનો હતો જેમાં વિદ્યાર્થીઓ અને એન.સી.સી કેડેટ દ્વારા ઉર્જા જાગૃતિના નારા લગાવી લોકોને જાગૃત કરવાનો પ્રયાસ કર્યો હતો.
ઉર્જા જાગૃતિ અભ્યાન બદલ સર્વોદય ટ્રસ્ટ સંચાલિત એમ.એમ. સાયન્સ કોલેજના આચાર્ય માંડવીયા સાહેબ તેમજ એનસીસી ઓફિસર ચૌધરી સાહેબ તેમજ ઓમશાંતિ અંગ્રેજી માધ્યમ સ્કૂલના આચાર્ય સનામેડમ દ્વારા અભિનદન પાઠવવામાં આવ્યા હતા તેમ “આર્યભટ્ટ” લોક વિજ્ઞાન કેન્દ્રના સંચાલક એલ.એમ. ભટ્ટ દ્વારા માહિતી આપવામાં આવી હતી.
