મોરબી એલસીબી પેરોલ ફર્લો ટીમ દ્વારા વાંકાનેર તાલુકા પોલીસ સ્ટેશનના પ્રોહીબીશનના ઇંગ્લીશ દારૂના ગુન્હામાં છેલ્લા ૪ વર્ષથી નાસતા ફરતા આરોપીને રાજસ્થાન રાજયના બાડમેર જીલ્લા ખાતેથી પકડી હસ્તગત કરી વાંકાનેર તાલુજ પોલીસ મથકમાં સોંપવા તજવીજ હાથ ધરી છે.
મોરબી એલસીબી તથા પેરોલ ફર્લો સ્ક્વોડ ટીમને સંયુક્તમા ખાનગીરાહે હકિકત મળેલ કે, વાંકાનેર તાલુકા પોલીસ મથકમાં વર્ષ ૨૦૨૧ માં નોંધાયેલ પ્રોહીબીશન ના ગુનામાં નાસતો ફરતો આરોપી ઉદય ઉર્ફે ઉદારામ પુરારામ રાજસ્થાનવાળો હાલે રાજસ્થાન ખાતે તેના રહેણાંક મકાને હોવાની ચોકકસ અને ભરોસાપાત્ર હકીકત મળતા તુરંત જ એક ટીમ બનાવી રાજસ્થાન ખાતે હકીકત વાળી જગ્યાએ જઇ તપાસ કરતા નાસતો ફરતો આરોપી ઉદય ઉર્ફે ઉદારામ પુરારામ સિયાગ/જાટ ઉવ.૨૬ રહે.નહેરો કી નાડી તા.ચોહટન જી.બાડમેર (રાજસ્થાન)વાળો નહેરો કી નાડી ગામ તેના રહેણાંક મકાન ખાતેથી મળી આવતા આરોપીને પકડી હસ્તગત કરી મોરબી પેરોલ ફર્લો સ્કવોડની ઓફીસે લાવી આગળની ઘટીત કાર્યવાહી અર્થે વાંકાનેર તાલુકા પોલીસ સ્ટેશનને સોપી આપવામાં આવેલ છે.
