રાજકોટ રેન્જ આઈજી અશોકકુમાર યાદવે રાજકોટ રેન્જમાં બનતા મિલ્કત સબંધી ચોરીના બનાવો તેમજ અન્ય ગુનહીત પ્રવુતી અટકાવવા તેમજ અન-ડીટેકટ ગુન્હાઓ શોધી કાઢી અસરકારક કામગીરી કરવા સુચના કરેલ હોય જે અન્વયે કામગીરી કરતા દરમિયાન માળીયા મીંયાણા પોલીસની ટિમ દ્વારા માળીયા મીંયાણા ઓનેસ્ટ હોટલ પાસે કચ્છ મોરબી હાઈવે ઉપરથી બોલેરો ગાડીમા દયનીય હાલતમા પાડા ભરી નીકળતા બે ઇશમોને પકડી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, માળીયા પોલીસની ટીમ નાઇટ રાઉન્ડ વિસ્તારમાં પેટ્રોલીંગમાં હતી. તે દરમિયાન માળીયા મીં. ઓનેસ્ટ ચેક હોટલ પાસે કચ્છ મોરબી હાઇવે ઉપર આવતા એક જી.જે.૧૨ સીટી ૮૩૯૯ નંબરની સફેદ કલરની બોલેરો ગાડી બોલેરો ગાડીના ઠાઠામાં નાના મોટા ૦૭ પાડાઓને ભરવા પુરતી જગ્યા ન હોય અને પાડાઓને પીડા યાત્ના પહોયે તે રીતે ગાડીના ઠાઠામા ઠસોઠસ ભરી દયનીય હાલતમા કુરતા પુર્વક રાખી પાડાઓ માટે પાણી તેમજ ઘાસચારાની વ્યવસ્થા નહી રાખી પાડાઓને ભૂખમરી અને વગર પાણીના કારણે પીડાઓ યાત્ના પહોયે તે રીતે ભરી નીકળેલ હોય જેથી ૦૭ પાડાની કીંમત એક પાડાની કીંમત આશરે રૂ.૩૦૦૦ લેખે રૂ. ૨૧,૦૦૦ ગણી તેમજ બોલેરો ગાડી સહિતનો રૂ. ૩,૩૧,૦૦૦નો મુદ્દામાલ કબ્જે કરી પાડાઓને પાંજરાપોળ ખાખરેચી ગામ ખાતે રાખવામા આવ્યા છે. તેમજ અનવરભાઈ અબ્દુલેમાન શેખ તથા સકલીન હાજીરાયધણ નામના આરોપીઓ વિરુધ્ધ પ્રાણી પ્રત્યે ક્રુરતા અધીનીયમની ૧૯૬૦ ની કલમ ૧૧(૧)(ડી), (ઈ), (એચ) તથા જી.પી.એકટ કલમ ૧૧૯ મુજબનો ગુન્હો દાખલ કરી આગળની કાર્યવાહી હાથ ધરવામાં આવી છે.
આ કામગીરી પોલીસ ઇન્સ્પેકટર આર.સી.ગોહિલ તથા એ.એસ.આઈ વનરાજસિંહ બાબરીયા તથા પોલીસ કોન્સ્ટેબલ હરપાલસિંહ ખેર તથા રવીભાઇ મીયાત્રા તથા જયપાલસીંહ ઝાલા તથા વિજયભાઇ રાહુલભાઇ તથા બીપીનભાઇ પરમાર દ્વારા કરવામાં આવી છે.
