રાજકોટ મધ્યસ્થ જેલ ખાતે સજા ભોગવી રહેલ આરોપી પેરોલ પૂર્ણ થયા બાદ જેલમાં પરત નહિ ફરી ફરાર થઇ જતા વાંકાનેર સીટી પોલીસ દ્વારા બાતમીના આધારે પેરોલ-ફર્લો જંપના પાકા કામના આરોપીને વાંકાનેર ખાતેથી પકડી પાડી રાજકોટ મધ્યસ્થ જેલ હવાલે કર્યો છે.
રાજકોટ રેન્જ આઈ.જી. અશોકકુમાર યાદવ તથા મોરબી જિલ્લા એસપી રાહુલ ત્રિપાઠી દ્વારા મોરબી જીલ્લામાં નાસ્તા ફરતા તથા પેરોલ-ફર્લો જંપના આરોપીઓને પકડી પાડવા અવાર-નવાર સ્પેયલ ડ્રાઇવનુ આયોજન કરવામાં આવે છે. તેમજ આરોપીઓને પકડી પાડવા કડક સુચના કરવામાં આવતા વાંકાનેર સીટી પોલીસ સ્ટેશનની ટિમ કામગીરી કરવા પ્રત્યનશીલ હતી. જે દરમિયાન મળેલ હકિકતનાં આધારે રાજકોટ મધ્યસ્થ જેલ ખાતે સજા ભોગવી રહેલ પાકા કામનો કેદી શાહરૂખભાઇ શબ્બીરભાઇ દરજાદા (રહે-૨૫ વારીયા વાંકાનેર જી-મોરબી) પેરોલ પર બહાર આવેલ હોઇ અને પેરોલ પુર્ણ થતા જેલમાં હાજર થયેલ ન હોય અને ફરાર હોઇ જે પાકા કામના કેદીને પકડી પાડી રાજકોટ મધ્યસ્થ જેલ હવાલે કરવામાં આવ્યો છે.
આ કામગીરી પોલીસ ઇન્સ્પેકટર એચ.એ.જાડેજા તથા હેડ કોન્સ્ટેબલ ધર્મેન્દ્રકુમાર તથા વિરેન્દ્રસિંહ તથા વિશ્વરાજસિંહ તથા કોન્સ્ટેબલ રાણીંગભાઇ તથા દર્શીતભાઈ દ્વારા કરવામાં આવી છે.
