મોરબી ગોસ્વામી વાડી ખાતે દશનામ ગોસ્વામી સમાજ દ્વારા ગઈકાલ તા.૦૯ નવેમ્બરના રોજ કે.જી.થી કોલેજ સુધીના તેજસ્વી વિદ્યાર્થીઓનો સન્માન સમારોહ તથા જ્ઞાતિનું સ્નેહમિલન યોજાશે. કાર્યક્રમ સાંજે ૪ થી ૮ વચ્ચે રહેશે.
શ્રી મોરબી સમસ્ત દશનામ ગોસ્વામી સમાજ ટ્રસ્ટના પ્રમુખ નટુપરીની યાદી મુજબ ગોસ્વામી સમાજના તેજસ્વી વિદ્યાર્થીઓને પ્રોત્સાહન આપવા અને સમાજમાં એકતા વધે તે હેતુસર આગામી રવિવારે, તા. ૦૯/૧૧ના રોજ વિશાળ સન્માન સમારોહ તેમજ સ્નેહમિલનનું આયોજન કરવામાં આવ્યું છે. આ કાર્યક્રમ ગોસ્વામી વાડી, મોરબી ખાતે સાંજે ૪ વાગ્યા થી રાત્રે ૮ વાગ્યા સુધી યોજાશે. આ કાર્યક્રમમાં કે.જી. થી કોલેજ સુધીના તમામ ઉજ્જવળ પરિણામ મેળવનારા વિદ્યાર્થીઓને સન્માનિત કરવામાં આવશે. ધોરણ ૧ થી કોલેજ સુધીમાં પ્રથમ અને દ્વિતીય ક્રમ મેળવનારા વિદ્યાર્થીઓને શિલ્ડ, જ્યારે અન્ય તમામને પ્રોત્સાહિત ભેટો આપવામાં આવશે. આ સાથે સમાજના તમામ સભ્યો, વિદ્યાર્થીઓ, તેમના વાલીઓ અને ભાઈ-બહેનોને સહકુટુંબ ઉપસ્થિત રહેવા ટ્રસ્ટ દ્વારા હાર્દિક આમંત્રણ અપાયું છે.
