મોરબીના કાલિકા પ્લોટમાં જાહેરમાં વર્લીમટકાનો જુગાર રમતા બે પકડાયા

મોરબી સીટી એ ડિવિઝન પોલીસ ટીમ પેટ્રોલિંગમાં હોય તે દરમિયાન ભવાની સોડા વાળી શેરી કાલિકા પ્લોટ વિસ્તારમાં જાહેરમાં બે ઈસમો વર્લી ફિચર્સના આંકડાઓનો નસીબ આધારિત રૂપિયાની હારજીતનો જુગાર રમી રમાડતા હોય, ત્યારે પોલીસે આરોપી નવઘણભાઈ મોહનભાઇ સોલંકી ઉવ.૨૦ તથા મકબુલભાઈ નિજામભાઈ ચાનીયા ઉવ.૨૮ બન્ને રહે. કાલિકા પ્લોટ મોરબી વાળાને વર્લી ફીચર્સના અલગ અલગ આંકડાનો જુગાર રમતા રંગેહાથ ઝડપી લીધા હતા. આ સાથે પોલીસે બન્ને આરોપીઓ પાસેથી રોકડા રૂ.૩,૦૧૦/- સહિતનો મુદ્દામાલ કબ્જે લઈ આગળની કાર્યવાહી હાથ ધરી છે.