મોરબીમાં ઈલેક્ટ્રિક કામ દરમ્યાન ઊંચાઈથી નીચે પડેલ યુવાનનું મોત

મોરબીના લખધીરપુર રોડ પર ઈલેક્ટ્રિક વાયર રિપેર કરતી વખતે હાઈડ્રોલિક ટ્રેકટર પરથી પડી જતાં યુવાનને ગંભીર ઈજા પહોંચતા રાજકોટ સારવાર દરમ્યાન મોત નિપજ્યું છે. તાલુકા પોલીસે અ.મોતની નોંધ કરી આગની તપાસ ચલાવી છે.

મોરબી તાલુકાના લક્ષ્મીનગર ગામ રામદેવ હોટલ પાછળ રહેતા કૈલાશભાઈ બાબુસિંહ રાવત ઉવ.૨૪ મૂળ રાજસ્થાનના વતની ગઈ તા.૧૩/૦૩/૨૦૨૬ના રોજ લખધીરપુર રોડ પર ફેમ સિરામીક નજીક હાઈડ્રોલિક ટ્રેકટર પર ચડી ઈલેક્ટ્રિક વાયર રિપેર કરી રહ્યા હતા. આ દરમિયાન અચાનક નીચે પડી જતા તેમના માથામાં ગંભીર ઈજા પહોંચી હતી. તેમને તાત્કાલિક રાજકોટની સાર્થક હોસ્પિટલમાં ખસેડવામાં આવ્યા હતા, જ્યાં સારવાર દરમિયાન તા.૧૬/૦૩/૨૦૨૬ના રોજ ડોક્ટરે મૃત જાહેર કર્યા હતા. આ બનાવ અંગે મોરબી તાલુકા પોલીસે અ.મોત દાખલ કરી આગળની કાર્યવાહી હાથ ધરી છે.