મોરબીમાં કંસારા શેરીમાં રહેતો યુવાન દેણુ વધી જતા લાપતા

પ્રાપ્ત વિગતો અનુસાર મોરબીના ગ્રીનચોક વિસ્તારમાં આવેલ કંસારા શેરીમાં રહેતો દિપકભાઈ ઉર્ફે ગટુ સગુણદાસ કાગડા (ઉ.વ.૪૦) નામનો યુવાન ગત તા.૨૮ માર્ચના રાત્રીના અગીયારેક વાગ્યાના અરસામા ઘરેથી કોઈને કહ્યા વગર નીકળી ગયો હતો. બાદમાં સમયસર પરત ન ફરતા તેના પરિવારજનોએ સગા-સંબંધીમાં શોધખોળ કરી હતી પરંતુ તેનો પત્તો ન લાગતા અંતે યુવાનના મોટાભાઈ અશ્વિનભાઇ સગુણદાસ કાગડાએ ગઈકાલે મોરબી સીટી એ ડિવિઝન પોલીસ મથકમાં પોતાનો ભાઈ ગુમ થયાની નોંધ કરાવી હતી અને તેમણે પોલીસ સમક્ષ નિવેદન નોંધાવ્યું હતું કે, ગુમ થનાર આર્થીક સંકડામણમાં હોય અને દેણુ વધી જતા પોતાના ઘરેથી કયાંક જતા રહેલ છે. ત્યારે મોરબી સીટી એ ડિવીઝન પોલીસે ગુમસુદા નોંધ કરી યુવાનની શોધખોળ હાથ ધરી છે.