મોરબીમાં રવાપર રોડ પર વીજ ટ્રાન્સફોર્મરમાં આગ લાગી:આગ પર કાબુ મેળવાયો

મોરબીના રવાપર રોડ પર આવેલ વીજ ટ્રાન્સફોર્મરમાં આગ લાગવાની ઘટના બની હતી. ટ્રાન્સફોર્મરમાં આગ લાગતાં વેપારીઓએ ઇમરજન્સી નંબર પર કોલ કરતા ફાયર વિભાગ અને પીજીવીસીએલની ટીમે ઘટના સ્થળે પહોંચી આગ પર કાબૂ મેળવી ટ્રાન્સફોર્મર તાત્કાલિક રીપેરીંગ કરી વીજ પુરવઠો પૂર્વવત કાર્યરત કર્યો હતો.

મળતી માહિતી અનુસાર, મોરબીના રવાપર રોડ પર આવેલમાં વીજ ટ્રાન્સફોર્મરમાં આગ લાગવાની ઘટના પ્રકાશમાં આવી છે. વીજ ટ્રાન્સફોર્મરમાં આગ લાગતાં આજુ બાજુમાં થોડી ક્ષણ માટે ભયનો માહોલ સર્જાયો હતો. આગ લાગવાની ઘટના બનતા વેપારીઓએ ઇમરજન્સી નંબર પર કોલ કરતાં મોરબી ફાયર ની ટીમ અને પીજીવીસીએલની ટીમ ઘટનાસ્થળે પહોંચી હતી. ફાયર વિભાગની ટીમે તાબડતોબ આગ પર કાબુ મેળવ્યો હતો. ટ્રાન્સફોર્મર માં આગ લાગતાં પીજીવીસીએલની ટીમે તાત્કાલિક ટ્રાન્સફોર્મર રીપેરીંગ કરી વીજ પુરવઠો પૂર્વવત કર્યો હતો.