મોરબીના જસમતગઢ ખાતે પ્રેમી યુગલે કર્યો સજોડે આપઘાત

મોરબી તાલુકાના જસમતગઢ ગામે પ્રેમી પંખીડાએ સજોડે આપઘાત કરી લીધાનો બનાવ સામે આવ્યો છે. આ ચકચારી બનાવને લઈને પોલીસે દોડી જઇ કાર્યવાહી હાથ ધરી હતી.

આ મામલે મોરબી તાલુકા પોલીસ મથકેથી જાણવા મળતી વિગત અનુસાર જસમતગઢ ખાતે આવેલ ધરમશીભાઇ ખીમજીભાઇ રંગપરીયાની વાડીએ ગીતાબેન અમરાભાઇ ભુંડીયા (ઉવ.૧૯ રહે. સાપર તાજી-મોરબી) અને નવઘણભાઇ હરખાભાઇ ભરવાડ (ઉવ.૨૪ રહે.સાપર તાજી-મોરબી) લીમડાના ઝાડ પર લટકી અંતિમ પગલું ભરી લીધું હતું. જે અંગે જાણ થતા પોલીસ દોડી ગઈ હતી. પોલીસની પ્રાથમિક તપાસમાં મૃતક બન્ને વચ્ચે પ્રેમ સંબંધ હોય અને આ પ્રેમ પ્રકરણમાં બન્નેએ મોત વ્હાલું કરી લીધાનું સામે આવ્યું છે.