મોરબી જિલ્લામાં આવતીકાલે ક્ષત્રિય અસ્મિતા ધર્મરથ સાથે મહારેલી યોજાશે

મોરબી જિલ્લા કરણી સેના દ્વારા મહારાણા પ્રતાપ ના સ્ટેચ્યુ પાસેથી શહેરના મુખ્ય માર્ગો પર પસાર થઈ શનાળા શક્તિ માતાજીના મંદિર ખાતે મહારેલી પહોંચશે જેમાં ઉપસ્થિત રહેવા ક્ષત્રિય સમાજના લોકોને આમંત્રણ પાઠવવામાં આવ્યું છે.

મોરબી જિલ્લા કરણી સેના દ્વારા આગામી તા. ૦૪/૦૫/૨૦૨૪ ને શનિવારના રોજ બપોરે ૦૩:૩૦ વાગ્યે ક્ષત્રીય અસ્મિતા ધર્મરથ મહારાણા પ્રતાપ ના સ્ટેચ્યુથી શરૂ થઈ શહેરના મુખ્ય માર્ગો પરથી પસાર થઈ શનાળા શક્તિ માતાજીના મંદિર સુધી મહારેલી યોજવામાં આવશે.જે મહારેલીમાં મોરબી જિલ્લામાં રહેતા ક્ષત્રિય સમાજના ભાઈઓ,વડીલો અને આગેવાનોને જોડાવવા આમંત્રણ અપાયું છે. જે મહારેલીમાં દરેક ભાઈઓ સાફા,પાઘડી અથવા કેપ અને રજવાડી પોશાક સાથે પધારે તેમ મોરબી જિલ્લા કરણી સેના પ્રમુખ જયદેવસિંહ જાડેજા (મધૂપુર) દ્વારા આમંત્રણ આપવામાં આવ્યું છે.