મોરબીમાં દારૂબંધીના નિયમોને કોરાણે બુટલેગરો દારૂનો ધીકતો ધંધો ચલાવી રહ્યા છે અને દેશી તેમજ વિદેશી દારૂની હેરફેર કરી રહ્યા છે અને આવા તત્વોને ઝડપી પાડવા પોલીસ પણ સતત કાર્યરત છે ત્યારે ગઈકાલે મોરબીમાંથી એક શખ્સ વિદેશી દારૂની બે બોટલો સાથે ઝડપાતા પોલીસે ગુનો નોંધી આગળની કાર્યવાહી આરંભી છે.
બનાવ અંગેની મળતી વિગતો અનુસાર, મોરબી તાલુકા પોલીસ સ્ટેશનનો સ્ટાફ ગઈકાલે ચેકીંગમાં હતો. તે દરમિયાન એક એકસેસ ચાલાક શંકાસ્પદ જાણતા પોલીસે તેની પૂછપરછ કરી ડેકી ખોલાવતાં તેમાંથી ભારતીય બનાવટની વિદેશી ઇગ્લીશ દારૂની જોની વોલ્કર રેડ લેબલ બલેન્ડેડ સ્કોચ વિસ્કીની ૭૫૦ મીલીની ફોર સેલ ઇન રાજસ્થાન લખેલ બે બોટલ મળી આવતા પોલીસે 3000/-ની કિંમતના દારૂ સહીત એકસેસ મળી કુલ રૂપિયા-૨૮,૦૦૦/- સહિતનો મુદ્દામાલ કબ્જે કરી મહેશ મોતીભાઇ નગવાડીયા નામના આરોપી વિરુદ્ધ પ્રોહી એકટ કલમ-૬૫-એએ,૧૧૬(બી),૯૮(૨) મુજબ ગુનો નોંધી આગળની તપાસ હાથ ધરી છે.
