હળવદના અજીતગઢ નજીક કેનાલમાં ડૂબી જતાં સગીરાનું મોત

હળવદના અજીતગઢ ગામ નજીક આવેલ કેનાલમાં પાણી ભરવા જતા સમયે ડૂબી જતાં શ્રમિક સગીરા નું મોત નીપજ્યું છે.

જેની વિગત મુજબ હળવદ નજીક આવેલ અજિતગઢ ગામ નજીકથી પસાર થતી નર્મદા કેનાલમાં પાણી ભરવા જતા સમયે અજીતગઢ ગામે જ વાડીમાં રહેતા શ્રમિક પરિવારની સગીર દીકરી ઉજલિબેન ગુમાનભાઈ ધાનક(ઉ.વ.૧૬ મુ.રહે.છોટા ઉદેપુર હાલ રહે.અજીતગઢ)નું મોત નિપજ્યું હતું મોડી સાંજે ડૂબેલી સગીરા કેનાલમાં પાણી ભરવા ગઈ હોય અને પગ લપસી જતા કેનાલમાં પડી ગઈ હોવાની શકયતા સેવાઇ રહી છે ત્યારે હળવદ પોલીસે મૃતદેહને પીએમ અર્થે હળવદ સરકારી હોસ્પિટલ ખાતે ખસેડી આગળની કાર્યવાહી હાથ ધરી હતી.