હળવદમાંથી દેશી દારૂના જથા સાથે એક ઇસમને ઝડપી લેતી મોરબી એલસીબી

મોરબી જિલ્લા પોલીસ દ્વારા દેશી દારૂના ધંધાર્થીઓ પર કડક કાર્યવાહી કરવામાં આવી રહી છે ત્યારે હળવદ માંથી મોરબી એલસીબી દ્વારા વધુ એક દેશી દારૂના ધંધાર્થી પર કાર્યવાહી કરી છે.

જેની વિગત અનુસાર મોરબી એલસીબી દવારા હળવદના સુંદરગઢ ગામે આવેલ વાડીમાં રેડ પાડી ગેરકાયદેસર રીતે દેશી દારૂ બનાવવાનો આથો ૧૨૦૦ લીટર જેની કી. રૂ.૨૪૦૦ સાથે આરોપી અશ્વિન ઉર્ફે ભોપો ચંદુભાઈ ખાંભડીયા (રહે.નવા સુન્દરગઢ તા.હળવદ જી.મોરબી) વાળાને ઝડપી પાડી ને હળવદ પોલીસ મથકમાં ગુનો નોંધાવી આગળની કાર્યવાહી હાથ ધરી છે.