મોરબીનાં નીચીમાંડલ ગામ પાસેથી કારમાંથી બે બોટલ વિદેશી દારૂ સાથે શખ્સ ઝડપાયો

ગુજરાત વિધાનસભાની ચૂંટણી નજીક આવતી હોવાથી રાજકોટ રેન્જ આઇજી અશોકકુમાર યાદવે મોરબી જિલ્લામાં પ્રોહિબિશન અને જુગારની બદીને ડામવા મોરબી જિલ્લા પોલીસ અધિક્ષક રાહુલ ત્રિપાઠીને સૂચનો કરતા તેને લઈ કાર્યવાહિ કરતા દરમિયાન મોરબી તાલુકા પોલીસની ટીમે દારૂની હેરાફેરી કરતા શખ્સને ઝડપી પાડી જેલ હવાલે કર્યો છે.

મળતી વિગતો અનુસાર, ગતરોજ મોરબી તાલુકા પોલીસની ટીમ નીચીમાંડલ ગામના બસ સ્ટેન્ડ પાસે રોડ ઉપર ચેકીંગમાં હતી. તે દરમીયાન શંકાસ્પદ જણાતા રવીભાઇ રણછોડભાઇ સડાણીયા નામના શખ્સને રોકી તેની પૂછપરછ કરતા તેના પર વધુ શંકા જણાતા પોલીસે તેની GJ-36-AC-3202 નંબરની કારની તપાસ કરતા તેમાંથી ભારતીય બનાવટની ઇંગ્લીશ દારૂની મેકડોવેલ્સ-૦૧ કલેકશન ઓરીજનલ વ્હીસ્કીની ૨ બોટલ મળી આવતા પોલીસે આરોપીની અટકાયત કરી તેના વિરૂદ્ધ કાયદેસરની કાયૅવાહી હાથ ધરી છે.