હળવદના સાપકડા ગામે ઝેરી દવા પી લેતા યુવકનું સારવાર દરમ્યાન મોત

હળવદ તાલુકાનાં સાપકડા ગામની સીમમાં વાડીએ યુવકે ઝેરી દવા પી લેતા સારવાર દરમ્યાન તેનું મોત થયું હતું.

બનાવની પ્રાપ્ત વિગતો અનુસાર ગઈકાલે તા. ૫ના રોજ સાપકડા ગામમાં રહેતા દીલીપભાઇ અમરસીંગભાઇ નાયક(ઉ.વ.૨૮)એ નાનજીભાઇ રાજપુતની વાડીએ અગમ્ય કારણોસર ઝેરી દવા પી લેતા તેને હોસ્પીટલમાં ખસેડાયા હતા જ્યાં સારવાર દરમ્યાન તેનું મોત થયું છે. હળવદ પોલીસે બનાવ અંગે નોંધ કરી કાયદેસરની કાર્યવાહી હાથ ધરી છે.