હળવદમાં હાઇવે પર મોટર સાયકલ સ્લીપ થતા અક્સ્માતમાં યુવકનું મોત

ધ્રાંગધ્રા-હળવદ તરફ આવતા હાઇવે રોડ પર શક્તિનગર ગામથી હળવદ તરફ આવતા પુલના હળવદ તરફના ભાગે રોડ ઉપર એક યુવકનું કોઈ કારણોસર મોટર સાયકલ સ્લીપ થતા માથાના ભાગે ગંભીર ઇજા પહોંચી હતી. જેનું સારવાર દરમિયાન મૃત્યુ થતાં તેના ભાઈ દ્વારા પોલિસ સ્ટેશમાં ફરિયાદ દાખલ કરાવવામાં આવી હતી.

મળતી માહિતી અનુસાર, ધ્રાંગધ્રા-હળવદ હાઇવે રોડ પર શક્તિનગર ગામથી હળવદ તરફ આવતા હળવદ તરફના પુલ પાસેથી કાંતીભાઇ જેશીગભાઇ ઝીઝુવાડીયા નામનો યુવક પોતાનું GJ-13-BD-1803 નંબરનું મોટર સાયકલ લઈ જતો હતો. ત્યારે કોઈ કારણોસર મોટર સાયકલ સ્લીપ થઇ જતા માથાના ભાગે ગંભીર ઇજા થતા સારવારમાં ખસેડાયાં હતાં. જ્યાં સારવાર દરમ્યાન મૃત્યુ પામતા તેમના ભાઈ જગદીશભાઇ જેશીંગભાઇ ઝીઝુવાડીયાએ પોલીસ સ્ટેશનમાં બનાવ અંગે ફરિયાદ દાખલ કરાવી હતી.