મોરબીના ભડીયાદ ગામે સામસામે ભટકાવા બાબતે બે આરોપીઓએ યુવાનને લમધારતા પોલીસ ફરિયાદ નોંધાઈ

મોરબી તાલુકાના ભડીયાદ ગામે સામસામે ભટકવા જેવી નજીવી બાબતે બે આરોપીઓએ પરપ્રાંતીય યુવાન ઉપર છરી વડે હુમલો કરી ગંભીર ઇજા પહોંચાડતા પોલીસ ફરિયાદ નોંધાઈ છે.

મોરબી તાલુકાના ભડિયાદ ગામે આવેલ રામાપીરના ઢોરા નજીક પાણીના ટાંકા પાસે રહેતા રાજુભાઈ સાયબભાઈ ખાન (ઉ.વ. ૪૧)એ આરોપી જયુભા તથા લાલાભાઇ (રહે.બન્ને ભડીયાદ રામાપીરના ઢોરે)વાળા વિરુદ્ધ પોલીસ મથકમાં ફરિયાદ નોંધાવી જણાવ્યું કે તેઓ રાત્રીના સાડા દસેક વાગ્યાના અરસામાં ગામમાંથી પસાર થઈ રહ્યા હતા તે દરમીયાન જયુભા સામે ભટકાયા હતા જેથી ફરિયાદીએ કેમ દેખાતુ નથી તેમ કહેતા આરોપી જયુભાએ રાજુભાઇને ગાળો આપી માર માર્યો હતો આ ઉપરાંત આરોપી લાલાભાઇએ છરી વડે હુમલો કરતા ગંભીર ઇજા પહોંચી હતી. આ અંગે પોલીસે ફરિયાદ નોંધાઈ આરોપીને ઝડપી લેવા તપાસ હાથ ધરી છે