વાંકાનેર માર્કેટ યાર્ડમાં આવતી કાલથી હરરાજી શરૂ

મોરબી સહિત રાજ્યમાં આજથી આંશિક છુટછાટ આપવામાં આવી હોય બજારો ફરી ધમધમતી થઈ છે ત્યારે વાંકાનેર માર્કેટ યાર્ડમાં પણ આવતી કાલથી જણસીની હરરાજી શરૂ કરવા નિર્ણય કરવામાં આવ્યો છે.

વાંકાનેર માર્કેટ યાર્ડનાં સેક્રેટરીની યાદીમાં જણાવાયું છે કે આજે તા. ૨૧ને બપોરે ૨:૦૦ વાગ્યાથી યાર્ડમાં જણસીની ઉતરાય ચાલું કરવામાં આવી છે અને આવતીકાલ તા. ૨૨થી આ જણસીની હરરાજી શરૂ કરવામાં આવશે જેની યાર્ડ સાથે સંકળાયેલા દરેક વેપારીઓ, દલાલભાઈઓ, મજુરોએ નોંધ લઈ હાજર રહેવું તથા યાર્ડમાં આવતા દરેક વ્યક્તિએ માસ્ક ફરજીયાત પહેરવાનું રહેશે તેમજ ગેટ પર રાખેલ સેનેટાઈઝર નો ઉપયોગ કર્યા બાદ જ યાર્ડમાં પ્રવેશ કરવો તથા સોશિયલ ડિસ્ટન્સનુ઼ પાલન કરવાનું રહેશે. માર્કેટ યાર્ડનું કામકાજ સવારનાં ૯ થી બપોરે ૩ વાગ્યા સુધી ચાલુ રહેશે.