મોરબી ગુર્જર સુતાર જ્ઞાતિ દ્વારા આયોજિત નવરાત્રી મહોત્સવમા બાળાઓએ ઉત્સાહભેર ભાગ લીધો

ગુર્જર સુતાર જ્ઞાતિ, મોરબી દ્વારા નવરાત્રી પર્વ નિમિત્તે નવરાત્રી મહોત્સવનું ભપકાદાર આયોજન કરાયું હતું.તા. 7 થી 14- 10 સુધી યોજાયેલા આ કાર્યક્રમમાં બાળાઓએ ઉત્સાહભેર ભાગ લીધો હતો. આ ઉપરાંત વિશ્વકર્મા ગરબી મંડળ મોરબી દ્વારા તા.13 થી 14 એમ બે દિવસ માં આરાસુરી શકતી દ્વારા મહિષાસુર વધ અને જમીનથી ઉપર ઝૂલતા માતાજીના દર્શન તેમજ ફ્લોટ રાખ્યા હતાં. આ અવસરે મોટી સંખ્યામાં જ્ઞાતિજનો અને શહેરીજનો ઉપસ્થિત રહ્યા હતા.

આ પ્રસંગે ગરબે રમતી સાક્ષાત જગદંબા સ્વરૂપા બાળાઓને સમાજ અગ્રણીઓ દ્વારા 10 જેટલી જુદી જુદી વસ્તુઓની લ્હાણી કરાઈ હતી તેમજ દશેરાના દિવસે મહાપ્રસાદનું આયોજન કરાયું હતું.