માળીયા(મી)-કંડલા હાઇવે પર ટ્રક હડફેટે બાઇક સવારનું મોત

માળીયા(મી) કંડલા હાઇવે પર આવેલ માધવ હોટેલ પાસે ગત તા.૧૮ માં રોજ રાત્રીના સમયે બેફામ ચાલતા ટ્રક નં. GJ 12 Z 9520ના ચાલકે બાઇક નં. GJ 10 DK 0903 ને હડફેટે લેતા બાઇક ચાલક યુસુફભાઈ હારુનભાઈ મોવરને માથામાં હેમરેજ જેવી ગંભીર ઈજાઓ થઈ હતી જેથી તેમને સારવાર અર્થે રાજકોટ સરકારી હોસ્પિટલમાં ખસેડવામાં આવ્યા હતા જ્યાં સારવાર દરમિયાન તેમનું મોત નીપજ્યું હતું. જેથી મૃતક ના ભાઈ દ્વારા માળીયા(મી) પોલીસ મથકમાં ફરિયાદ નોંધાવવામાં આવી છે.

મોરબી તાલુકાના લીલાપર ગામ પાસે કેનાલમાં ડૂબી જતાં યુવાનનું મોત

મોરબી તાલુકાના લીલાપર ગામ પાસેથી પસાર થતી કેનાલમાં કોઈ કારણોસર શ્યામ ભરતભાઇ અગોલા (ઉ.વ.૨૦ રહે.લીલાપર ) નામનો યુવાન કેનાલમાં પડી જતા ડૂબી ગયો હતો જેને પગલે તેનું મોત નીપજ્યું હતું જે બનાવની મોરબી તાલુકા પોલીસે નોંધ કરી વધુ તપાસ હાથ ધરી છે.