મોરબીના વીસીપરા વિસ્તારમાં આવેલા કુલીનગર-૧માં ઘર આગળ પાર્ક કરેલ બાઈકની ચોરી થયા અંગે અત્રેના બી ડિવિઝન પોલીસ મથકમાં ફરિયાદ નોંધાવવામાં આવતા, પોલીસે આરોપી અજાણ્યા વાહન ચોર વિરુદ્ધ ગુનો નોંધી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબીના વીસીપરા વિસ્તારના કુલીનગર-૧માં રહેતા સમસુદ્દીનભાઈ અકબરભાઈ પઠાણ ઉવ.૨૪એ હિરો સ્પ્લેન્ડર પ્લસ બાઈક રજી.નં. જીજે-૩૬-એક્યુ-૨૭૮૦ ચોરી થયા અંગે નોંધાવેલ ફરિયાદ મુજબ, ગત તા ૨૮/૦૪ના રોજ ફરિયાદી પોતાના હવાલા વાળું મોટર સાયકલ લઈને કારખાનેથી પરત આવીને ઘરની બહાર પાર્ક કર્યું હતું, જે બાઇક બીજે દિવસે સવારના ઘર પાસે જોવામાં ન આવતા, બાઇક અંગે આજુબાજુમાં શોધખોળ કરી પરંતુ સ્પ્લેન્ડર પ્લસ બાઇક ન મળતા, પ્રથમ ઈ-એફઆઈઆર બાદ બી ડિવિઝન પોલીસ મથકમાં રૂબરૂ ફરિયાદ નોંધાવી હતી. હાલ પોલીસે અજાણ્યા વાહન ચોર વિરુદ્ધ ગુનો નોંધી આગલની તપાસ ચલાવી છે.
