ત્રાજપર બેઠક પર કોંગ્રેસનો વિજય તિરંગો, રણછોડગઢ પેટા ચૂંટણીમાં ભાજપનો ભગવો લહેરાયો

મોરબી તાલુકા પંચાયતની ત્રાજપર બેઠકની પેટા ચૂંટણીમા કોંગ્રેસનો વિજય તિરંગો લહેરાયો છે જ્યારે હળવદ તાલુકા પંચાયતની રણછોડગઢ બેઠકની પેટા ચૂંટણીમાં ભાજપનો ભગવો લહેરાયો છે.

મોરબી તાલુકા પંચાયતની ત્રાજપર બેઠકની પેટા ચૂંટણીમાં કોંગ્રેસમાં ઉમેદવાર જલાભાઈ ડાભીને 1965 મત મળ્યા હતા જયરેબ ભાજપના ઉમેદવાર દેવજીભાઈ વરાણીયાને 880 મત મળ્યા હતા આ ઉપરાંત 53 મત નોટામાં નોંધાતા કોંગ્રેસના ઉમેદવાર જલાભાઈ ડાભી 162 મતેં વિજય થયો છે.

બીજી તરફ હળવદ તાલુકા પંચાયતની રણછોડગઢ બેઠકની પેટાચૂંટણીમાં ભાજપનો ભવ્ય વિજય થયો છે. ભાજપ, કોંગ્રેસ અને આપ વચ્ચે જામેલા ત્રિપાંખિયા જંગમાં ભાજપે બાજી મારી છે. જેમાં આપના ઉમેદવારને ૧૧૫૪, કોંગ્રેસના ઉમેદવારને ૮૬૪ મત મળ્યા હતા . તથા નોટામાં 55 મત નોંધાયા હતા આ સાથે ભાજપ ૧૨૮૮ મત સાથે જંગ જીતી લીધો છે.