મોરબીમાં ક્રિકેટનો સટ્ટો રમતો એક ઝડપાયો, એકનું નામ ખુલ્યું

મોરબીના અયોધ્યાપુરી રોડ પરથી ક્રિકેટ મેચ ઉપર સટ્ટો રમતા એક શખ્સને ઝડપી લીધો હતો જેની પૂછપરછ દરમિયાન અન્ય એક ઇસમનું નામ ખુલતા પોલીસે અન્ય આરોપીને ઝડપી લેવા આગળની કાર્યવાહી હાથ ધરી છે.

વિગત મુજબ મોરબીના અયોધ્યાપુરી રોડ પર આવેલ આયુષ હોસ્પીટલ નજીકથી મોરબી સીટી એ ડિવીઝન પોલીસે વિમલ ભવાનભાઇ ભેસદડીયા (ઉ.વ.૨૯)રહે.મોરબી ભકિતનગર સર્કલ રાજેશપાર્ક મુળ રહે.સાવડી તા.ટંકારાવાળા શખ્સ ક્રિકેટ લાઇન ગુરૂ એપ્લીકેશનમા લાઇવ મેચ નિહાળી પાઉપા અને સ્કોટલેન્ડ વનડે ક્રિકેટ મેચ ઉપર પ્રકાશભાઇ રહે.હિરાપર તા.ટંકારા સાથે રનફેરનો પૈસાની હારજીતનો જુગાર રમી રમાતા ઝડપી લીધો હતો. પોકીસે રોકડા રૂ.૨૧૦૦/ તથા મોબાઇલ ફોન કિ.રૂ.૧૦૦૦૦/ મળી કુલ રૂ.૧૨૧૦૦/-
ના મુદામાલ કબજે કરી ફરાર શખ્સ પ્રકાશને પકડી પાડવા તપાસ હાથ ધરી છે.