મોરબીમાં તાપણું કરતી વખતે દાઝી ગયેલા આધેડનું સારવાર દરમ્યાન મોત

બનાવની પ્રાપ્ત વિગતો અનુસાર મોરબી શહેરમાં રોહીદાસપરામાં રહેતા ૫૬ વર્ષીય દેવજીભાઇ પીંતાબરભાઇ બોસીયા ગત તા. ૧૪નાં રોજ સાંજના સમયે પોતાના ઘરે તાપણુ કરતા હતા. ત્યારે તાપણામાં કેરોશીન નાખતી વખતે વધારે આગ લાગતા શરીરે હાથે દાઝી ગયા હતા. જેથી, તેમને સારવાર અર્થે પ્રથમ મોરબીની સરકારી હોસ્પિટલ અને બાદમાં વધુ સારવાર અર્થે રાજકોટની સરકારી હોસ્પિટલ ખાતે ખસેડવામાં આવ્યા હતા. જ્યાં સારવાર દરમ્યાન ગત તા. ૨૪ ડિસેમ્બરના રોજ તેમનું મૃત્યુ થયું હતું બનાવ અંગે મોરબી સીટી બી ડીવીઝન પોલીસે નોંધ કરી ધોરણસરની કાર્યવાહી હાથ ધરી છે.